tahriir havaa lahron pe likhtii hai to paanii par tahriir kartaa hai

Havaa lahron pe likhtee hai to paanee par tahreer kartaa hai Ki ham farzand-e-aadam kee tarah sab naqsh-gar hain Ahl-e-fan hain Zindagee takhleeq karte hain Sitaara Toot jaataa hai Magar bujhne se pahle apnee is jagmag ibaarat se fanaa par khanda-zan hota hai Main miT kar bhee aane vaale lamhon men darakhshaan hoon Jo pattaa shaakh se girtaa hai Qirtaas-e-havaa par daa.eron men likhtaa aataa hai Ki shaakhon par taDapte dosto Aglee bahaaron men mujhe phir lauTnaa hai phooTnaa hai TooTnaa hai khaak honaa hai Magar wo khaak jo ashjaar kee maan hai Vo kaundaa jo ghaTaa par sabt kar ke dastakhat apne Ba-zaahir jaa chukaa hota hai Chhup kar dekhtaa hai Kis tarah taareekiyon men zalzale aate hain Manzar jaag uThte hain Vo jaan jo pas-e-dar kitne barson se tanhaa hai Ik saheefa hai Kabhee suraj kee kirnon men use dekho To puuree kaa.enaat is men mujassam paaoge aur jhuum jaaoge Kitaaben paDhne vaale to na maanenge Magar az-khaak-taa-aflaak jo kuch bhee hai wo tahreer hai Alfaaz hain eraab hain nuqte hain shoshe hain kashen hain daa.ere hain harf hain jin men tilism-e-zindagee Asraar kaa iz.haar kartaa hai Hawa lahron pe likhti hai to pani par tahrir karta hai Ki hum farzand-e-adam ki tarah sab naqsh-gar hain Ahl-e-fan hain Zindagi taKHliq karte hain Sitara TuT jata hai Magar bujhne se pahle apni is jagmag ibarat se fana par KHanda-zan hota hai Main miT kar bhi aane wale lamhon mein daraKHshan hun Jo patta shaKH se girta hai Qirtas-e-hawa par daeron mein likhta aata hai Ki shaKHon par taDapte dosto Agli bahaaron mein mujhe phir lauTna hai phuTna hai TuTna hai KHak hona hai Magar wo KHak jo ashjar ki man hai Wo kaunda jo ghaTa par sabt kar ke dastaKHat apne Ba-zahir ja chuka hota hai Chhup kar dekhta hai Kis tarah tarikiyon mein zalzale aate hain Manzar jag uThte hain Wo jaan jo pas-e-dar kitne barson se tanha hai Ek sahifa hai Kabhi suraj ki kirnon mein use dekho To puri kaenat is mein mujassam paoge aur jhum jaoge Kitaben paDhne wale to na manenge Magar az-KHak-ta-aflak jo kuch bhi hai wo tahrir hai Alfaz hain erab hain nuqte hain shoshe hain kashen hain daere hain harf hain jin mein tilism-e-zindagi Asrar ka izhaar karta hai