tai karuungaa ye andheraa main akelaa kaise

Tai karoongaa ye andheraa main akelaa kaise Mere hamraah chalegaa miraa saaya kaise Meree aankhon kee chakaa-chaund bataa saktee hai Jis ko dekhaa hee na jaa.e use dekhaa kaise Chaandnee us se lipaT jaa.e havaa.en khelen Koee rah saktaa hai Dunya men achhootaa kaise Main to us vaqt se Dartaa hoon ki wo poochh na le Ye agar zabt kaa aansoo hai to Tapkaa kaise Yaad ke qasr hain ummeed kee qindeelen hain Main ne aabaad kiye dard ke sahraa kaise Is liye sirf khuda se hai takhaatub meraa Mere jazbaat ko samjhegaa farishta kaise Zehn men nit-na.e but Dhaal ke ye dekhtaa hoon But-kade ko wo banaa letaa hai kaa'ba kaise Gar samundar hee se dariyaaon kaa rizq aataa hai Us ke siine men utar jaate hain Dariya kaise Kaise har saans men aa jaataa hoon fardaa ke qareeb Phir bhee fardaa mujhe de jaataa hai dhokaa kaise Log jo khaak-e-vatan bech ke khaa jaate hain Apne hee qatl kaa karte hain tamaashaa kaise