tark e daryuuza

Ab na phailaaungaa main dast-e-savaal Main ne dekhaa hai ki majboor hai too Meree dunya se bahut duur hai too Teree qismat men jahaanbaanee hai Meree taqdeer men hairaanee hai Bazm-e-hastee men sar-afraaz hai too Mere anjaam kaa aaghaaz hai too Too hai aasooda-e-farsh-e-sanjaab Khuld hai tere shabistaan kaa javaab Masjid-e-shahr kee mehraab kaa kham Teree taqdees kee khaataa hai qasam Main hoon ik shaa.er-e-aavaara-mizaaj Aur tire farq pe akhlaaq kaa taaj Main ne aalam se baghaavat kee hai Too ne har shai se mohabbat kee hai! Main ne maz.hab pe bhee ilzaam dharaa Too ne vahmon ko bhee eemaan samjhaa Gil kahaan aur khas-o-khaashaak kahaan Aalam-e-paak kahaan khaak kahaan Ab na phailaaungaa main dast-e-savaal Ab na phailaunga main dast-e-sawal Main ne dekha hai ki majbur hai tu Meri duniya se bahut dur hai tu Teri qismat mein jahanbani hai Meri taqdir mein hairani hai Bazm-e-hasti mein sar-afraaz hai tu Mere anjam ka aaghaz hai tu Tu hai aasuda-e-farsh-e-sanjab KHuld hai tere shabistan ka jawab Masjid-e-shahr ki mehrab ka KHam Teri taqdis ki khata hai qasam Main hun ek shaer-e-awara-mizaj Aur tere farq pe aKHlaq ka taj Main ne aalam se baghawat ki hai Tu ne har shai se mohabbat ki hai! Main ne mazhab pe bhi ilzam dhara Tu ne wahmon ko bhi iman samjha Gil kahan aur KHas-o-KHashak kahan Aalam-e-pak kahan KHak kahan Ab na phailaunga main dast-e-sawal