tark e mohabbat ke baad gair ki ho ke bhi tum meri mohabbat chaaho

Ghair kee ho ke bhee tum meree mohabbat chaaho Is ghaTaa-Top andhere men ye taare kaise Farsh par jis ko abhee tak na milee jaa.e panaah Arsh se chaand kaa aivaan utaare kaise Jis kee raahon pe bhaTakte hue jag biite hain Phir usee dasht ko bad-bakht sudhaare kaise Qaafile aa.e ga.e gard uThee baith ga.ee Ab musaafir ko ufuq par se ishaare kaise Jin kee taqdeer men tha daaman-e-gulcheen kaa mazaar Vo shagoofe to paraa.e hain hamaare kaise Pesh kar saktaa hoon lekin tujhe bahlaane ko Chaandnee-raat men machle hue roomaan kee yaad Bed-e-majnoon ke tilismaat se pal-pal chhantee Aasmaanon ko lapaktee huee ik taan kee yaad Meree vaaraftagee-e-shauq kee sun kar roodaad Tiree aankhon men damakte hue armaan kee yaad Donon chehron pe shafaq donon jabeenon pe araq Donon seenon men dhaDakte hue haijaan kee yaad Kaun hain aap miree ziist kee tanhaa.ee saathee Pahlee pahchaan kee yaad aakhiree paimaan kee yaad Ghair ki ho ke bhi tum meri mohabbat chaho Is ghaTa-Top andhere mein ye tare kaise Farsh par jis ko abhi tak na mili jae panah Arsh se chand ka aiwan utare kaise Jis ki rahon pe bhaTakte hue jag bite hain Phir usi dasht ko bad-baKHt sudhaare kaise Qafile aae gae gard uThi baith gai Ab musafir ko ufuq par se ishaare kaise Jin ki taqdir mein tha daman-e-gulchin ka mazar Wo shagufe to parae hain hamare kaise Pesh kar sakta hun lekin tujhe bahlane ko Chandni-raat mein machle hue ruman ki yaad Bed-e-majnun ke tilismat se pal-pal chhanti Aasmanon ko lapakti hui ek tan ki yaad Meri waraftagi-e-shauq ki sun kar rudad Teri aankhon mein damakte hue arman ki yaad Donon chehron pe shafaq donon jabinon pe araq Donon sinon mein dhaDakte hue haijaan ki yaad Kaun hain aap meri zist ki tanhai sathi Pahli pahchan ki yaad aaKHiri paiman ki yaad