terii mahfil bhi mudaavaa nahin tanhaaii kaa

Teree mahfil bhee mudaavaa nahin tanhaa.ee kaa Kitnaa charchaa thaa tiree anjuman-aaraa.ee kaa Daagh-e-dil naqsh hai ik laala-e-sahraa.ee kaa Ye asaasa hai miree baadiya-paimaa.ee kaa Jab bhee dekhaa hai tujhe aalam-e-nau dekhaa hai Marhala tai na huaa teree shanaasaa.ee kaa Wo tire jism kee qausen hon ki mehraab-e-haram Har haqeeqat men milaa kham tiree Angdhaai kaa Ufuq-e-zehn pe chamkaa tiraa paimaan-e-visaal Chaand niklaa hai mire aalam-e-tanhaa.ee kaa Bharee Dunya men faqat mujh se nigaahen na churaa Ishq par bas na chalegaa tiree daanaa.ee kaa Har na.ee bazm tiree yaad kaa maahaul banee Main ne ye rang bhee dekhaa tiree yaktaa.ee kaa Naala aataa hai jo lab par to ghazal bantaa hai Mere fan par bhee hai partav tiree ra.anaa.ee kaa