tujhe kho kar bhi tujhe paauun jahaan tak dekhuun

Tujhe kho kar bhee tujhe paa.oon jahaan tak dekhoon Husn-e-yazdaan se tujhe husn-e-butaan tak dekhoon Too ne yuun dekhaa hai jaise kabhee dekhaa hee na thaa Main to dil men tire qadmon ke nishaan tak dekhoon Sirf is shauq men poochhee hain hazaaron baaten Main tiraa husn tire husn-e-bayaan tak dekhoon Mere veeraana-e-jaan men tiree yaadon ke tufail Phuul khilte nazar aate hain jahaan tak dekhoon Vaqt ne zehn men dhundlaa diye tere khad-o-khaal Yuun to main TooTte taaron kaa dhuaan tak dekhoon Dil gaya thaa to ye aankhen bhee koee le jaataa Main faqat ek hee tasveer kahaan tak dekhoon Ik haqeeqat sahee firdaus men hooron kaa vajood Husn-e-insaan se nimaT luun to vahaan tak dekhoon