tuu jo badlaa to zamaana bhi badal jaaegaa
— Ahmad Nadeem Qasmi
Too jo badlaa to zamaana bhee badal jaa.egaa
Ghar jo sulgaa to bharaa shahr bhee jal jaa.egaa
Saamne aa ki miraa ishq hai mantiq men asiir
Aag bhaDkee to ye patthar bhee pighal jaa.egaa
Dil ko main muntazir-e-abr-e-karam kyuun rakkhoon
Phuul hai qatra-e-shabnam se bahal jaa.egaa
Mausam-e-gul agar is haal men aayaa bhee to kya
Khoon-e-gul chehra-e-gulzaar pe mal jaa.egaa
Vaqt ke paanv kee zanjeer hai raftaar-e-'nadeem'
Ham jo Thahre to ufuq duur nikal jaa.egaa