umr bhar us ne isii tarah lubhaayaa hai mujhe

Umr bhar us ne isee tarah lubhaayaa hai mujhe Wo jo is dasht ke us paar se laayaa hai mujhe Kitne aa.eenon men ik aks dikhaayaa hai mujhe Zindagee ne jo akelaa kabhee paayaa hai mujhe Too miraa kufr bhee hai too miraa eemaan bhee hai Too ne luuTaa hai mujhe too ne basaayaa hai mujhe Main tujhe yaad bhee kartaa hoon to jal uThtaa hoon Too ne kis dard ke sahraa men ganvaayaa hai mujhe Too wo motee ki samundar men bhee sho.ala-zan thaa Main wo aansoo ki sar-e-khaak giraayaa hai mujhe Itnee khaamosh hai shab log Dare jaate hain Aur main sochtaa hoon kis ne bulaayaa hai mujhe Meree pahchaan to mushkil thee magar yaaron ne Zakhm apne jo kurede hain to paayaa hai mujhe Vaa.iz-e-shahr ke na.aron se to kya khultee aankh Khud mire khvaab kee haibat ne jagaayaa hai mujhe Ai khuda ab tire firdaus pe meraa haq hai Too ne is daur ke dozakh men jalaayaa hai mujhe