waqt

Sar-bar-aavurda sanobar kee ghanee shaakhon men Chaand billor kee TuuTee huee chooDee kee tarah aTkaa hai Daaman-e-koh kee ik bastee men TimTimaate hain mazaaron pe charaagh Aasmaan surma.ee farghul men sitaare Taanke SimTaa jaataa hai jhukaa aataa hai Vaqt be-zaar nazar aataa hai Sar-bar-aavurda sanobar kee ghanee shaakhon men Sub.h kee nuqra.ee tanveer rachee jaatee hai Daaman-e-koh men bikhre hue khet Lahlahaate hain to dhartee ke tanaffus kee sadaa aatee hai Aasmaan kitnee bulandee pe hai aur kitnaa aziim Na.e suraj kee shuaaon kaa musaffaa aangan Vaqt bedaar nazar aataa hai Sar-bar-aavurda sanobar kee ghanee shaakhon men Aaftaab ek alaao kee tarah raushan hai Daaman-e-koh men chalte hue hal Seena-e-dahr pe insaan ke jabroot kee taareekh raqam karte hain Aasmaan tez shuaaon se hai is darja gudaaz Jaise chhoone se pighal jaa.egaa Vaqt tayyaar nazar aataa hai Sar-bar-aavurda sanobar kee ghanee shaakhon men Zindagee kitne haqaa.eq ko janam detee hai Daaman-e-koh men phaile hue maidaanon par Zauq-e-takhleeq ne ejaaz dikhaa.e hain lahoo uglaa hai Aasmaan gardish-e-ayyaam ke rele se hiraasaan to nahin Khair-maqdam ke bhee andaaz huaa karte hain Vaqt kee raah men moD aate hain manzil to nahin aa saktee Sar-bar-awurda sanobar ki ghani shaKHon mein Chand billor ki TuTi hui chuDi ki tarah aTka hai Daman-e-koh ki ek basti mein TimTimate hain mazaron pe charagh Aasman surmai farghul mein sitare Tanke SimTa jata hai jhuka aata hai Waqt be-zar nazar aata hai Sar-bar-awurda sanobar ki ghani shaKHon mein Subh ki nuqrai tanwir rachi jati hai Daman-e-koh mein bikhre hue khet Lahlahate hain to dharti ke tanaffus ki sada aati hai Aasman kitni bulandi pe hai aur kitna azim Nae suraj ki shuaon ka musaffa aangan Waqt bedar nazar aata hai Sar-bar-awurda sanobar ki ghani shaKHon mein Aaftab ek alao ki tarah raushan hai Daman-e-koh mein chalte hue hal Sina-e-dahr pe insan ke jabrut ki tariKH raqam karte hain Aasman tez shuaon se hai is darja gudaz Jaise chhune se pighal jaega Waqt tayyar nazar aata hai Sar-bar-awurda sanobar ki ghani shaKHon mein Zindagi kitne haqaeq ko janam deti hai Daman-e-koh mein phaile hue maidanon par Zauq-e-taKHliq ne ejaz dikhae hain lahu ugla hai Aasman gardish-e-ayyam ke rele se hirasan to nahin KHair-maqdam ke bhi andaz hua karte hain Waqt ki rah mein moD aate hain manzil to nahin aa sakti