bahut sajaae the aankhon men khvaab main ne bhi

Bahut sajaa.e the aankhon men khvaab main ne bhee Sahe hain us ke liye ye azaab main ne bhee Judaa.iyon kee khalish us ne bhee na zaahir kee Chhupaa.e apne gham o iztiraab main ne bhee Diye bujhaa ke sar-e-shaam so gaya thaa wo Bitaa.ee so ke shab-e-maahtaab main ne bhee Yahee naheen ki mujhe us ne dard-e-hijr diyaa Judaa.iyon kaa diyaa hai javaab main ne bhee Kisee ne Khoon men tar chooDiyaan jo bhejee hain Likhee hai khoon-e-jigar se kitaab main ne bhee Khizaan kaa vaar bahut kaar-gar thaa dil pe magar Bahut bachaa ke rakhaa ye gulaab main ne bhee