bande zameen aur aasmaan sarmaa ki shab kahaaniyaan

Bande zameen aur aasmaan sarmaa kee shab kahaaniyaan Sachchee hain ye rifaaqaten baaqee hain sab kahaaniyaan Kheme ukhaD ujaD ga.e aisi havaa-e-shab chalee Kirnen zameen pe likh ga.iin kaisee ajab kahaaniyaan Vus.at-e-dasht ke makeen vaadee men kuuch kar ga.e Shaakhon pe barf likh ga.ee naghma-ba-lab kahaaniyaan Chaand kee khaak aa ga.ee pairon tale hayaat ke Aisi kaThin rivaayaten aisi kaDhab kahaaniyaan Jauhar-e-haq nahin milaa mujh ko kisee kitaab men MiTTee se sun raha hoon main aalee-nasab kahaaniyaan Vus.at-e-koh-o-dasht ho shahr o nagar kaa gasht ho Meraa safar hikaayaten meraa adab kahaaniyaan Shahron ko kya khabar ki main kaun hoon kis fazaa men hoon Likhnee hain ek din mujhe sabr-talab kahaaniyaan