ghar ki dahliiz se baazaar men mat aa jaanaa

Ghar kee dahleez se baazaar men mat aa jaanaa Tum kisee chashm-e-khareedaar men mat aa jaanaa Khaak uDaanaa inheen galiyon men bhalaa lagtaa hai Chalte phirte kisee darbaar men mat aa jaanaa Yoonhee khushboo kee tarah phailte rahnaa har soo Tum kisee daam-e-talabgaar men mat aa jaanaa Duur saahil pe khaDe rah ke tamaashaa karnaa Kisee ummeed ke manjdhaar men mat aa jaanaa Achchhe lagte ho ki khud-sar nahin khuddaar ho tum Haan simaT ke but-e-pindaar men mat aa jaanaa Chaand kahtaa hoon to matlab na ghalat lenaa tum Raat ko rauzan-e-deevaar men mat aa jaanaa