kabhi tuu ne khud bhi sochaa ki ye pyaas hai to kyuun hai

Kabhee too ne khud bhee sochaa ki ye pyaas hai to kyuun hai Tujhe paa ke bhee miraa dil jo udaas hai to kyuun hai Mujhe kyuun azeez-tar hai ye dhuaan dhuaan saa mausam Ye havaa-e-shaam-e-hijraan mujhe raas hai to kyuun hai Tujhe kho ke sochtaa hoon mire daaman-e-talab men Koee khvaab hai to kyuun hai koee aas hai to kyuun hai Main ujaD ke bhee hoon teraa too bichhaD ke bhee hai meraa Ye yaqeen hai to kyuun hai ye qayaas hai to kyuun hai Mire tan barahna-dushman isee gham men ghul rahe hain Ki mire badan pe saalim ye libaas hai to kyuun hai Kabhee poochh us ke dil se ki ye khush-mizaaj shaa.ir Bahut apnee shaa.iree men jo udaas hai to kyuun hai Tiraa kis ne dil bujhaayaa mire 'e.atibaar-saajid' Ye charaagh-e-hijr ab tak tire paas hai to kyuun hai