kahaa takhliiq e fan bole bahut dushvaar to hogii

Kahaa takhleeq-e-fan bole bahut dushvaar to hogee Kahaa makhlooq bole baa.is-e-aazaar to hogee Kahaa: ham kya karen is ahd-e-naa-pursaan men Kuch kahiye Wo bole koee aakhir soorat-e-iz.haar to hogee Kahaa: ham apnee marzee se safar bhee kar naheen sakte Wo bole har qadam par ik na.ee deevaar to hogee Kahaa: aankhen naheen is gham men beenaa.ee bhee jaatee hai Wo bole hijr kee shab hai zaraa dushvaar to hogee Kahaa: jaltaa hai dil bole ise jalne diyaa jaa.e Andhere men kisee ko raushnee darkaar to hogee Kahaa: ye koocha-gardee aur kitnee der tak aakhir Wo bole ishq men miTTee tumhaaree khvaar to hogee