kaise kahiin ki jaan se pyaaraa nahin raha

Kaise kaheen ki jaan se pyaaraa nahin raha Ye aur baat ab wo hamaaraa nahin raha Aansoo tire bhee khushk hue aur mere bhee Nam ab kisee nadee kaa kinaaraa nahin raha Kuch din tumhaare lauT ke aane kee aas thee Ab is umiid kaa bhee sahaaraa nahin raha Raste mah-o-nujoom ke tabdeel ho ga.e In khiDkiyon men ek bhee taaraa nahin raha Samjhe the doosron se bahut mukhtalif tujhe Kya maan len ki too bhee hamaaraa nahin raha Haathon pe bujh ga.ee hai muqaddar kee kahkashaan Yaa raakh ho gaya wo sitaaraa nahin raha Tum aitbaar us ke liye kyuun udaas ho Ik shakhs jo kabhi bhee tumhaaraa nahin raha