kisi ko ham se hain chand shikve kisi ko behad shikaayaten hain

Kisee ko ham se hain chand shikve kisee ko behad shikaayaten hain Hamaare hisse men sirf apnee safaa.iyaan hain vazaahaten hain Qadam qadam par badal rahe hain musaafiron kee talab ke raste Havaaon jaisee mohabbaten hain sadaaon jaisee rifaaqaten hain Kisee kaa maqrooz main nahin par mire garebaan pe haath sab ke Koi miree chaahaton kaa dushman kisee ko darkaar chaahaten hain Tiree judaa.ee ke kitne sooraj ufuq pe Duube magar abhee tak Khalish hai siine men pahle din see lahoo main vaisee hee vahshaten hain Miree mohabbat ke raaz-daan ne ye kah ke lauTaa diyaa miraa khat Ki bheegee bheegee see aansuon men tamaam gunjalak ibaaraten hain Main doosron kee khushee kee khaatir ghubaar ban kar bikhar gaya hoon Magar kisee ne ye haq na maanaa ki meree bhee Kuch zarooraten hain