mirii ruuh men jo utar saken wo mohabbaten mujhe chaahiyen

Miree ruuh men jo utar saken wo mohabbaten mujhe chaahiyen Jo saraab hon na azaab hon wo rifaaqaten mujhe chaahiyen Unheen saa.aton kee talaash hai jo calendaron se utar ga.iin Jo samay ke saath guzar ga.iin vahee fursaten mujhe chaahiyen Kaheen mil saken to sameT laa mare roz o shab kee kahaaniyaan Jo ghubaar-e-vaqt men chhup ga.iin wo hikaayaten mujhe chaahiyen Jo miree shabon ke charaagh the jo miree umiid ke baagh the Vahee log hain miree aarzoo vahee sooraten mujhe chaahiyen Tiree qurbaten nahin chaahiyen maree shaa.iree ke mizaaj ko Mujhe faaslon se davaam de taree furqaten mujhe chaahiyen Mujhe aur Kuch nahin chaahiye ye duaa.en hain mare saa.ebaan KaDee dhoop men kaheen mil saken to yahee chhaten mujhe chaahiyen