phir vahii lambii do pahren surmaii hain phir vahii dil ki haalat hai

Phir vahee lambee do-pahren hain phir vahee dil kee haalat hai Baahar kitnaa sannaaTaa hai andar kitnee vahshat hai Shaam karen kaise is din kee ThanDee soorat dekhen kin kee Idhar udhar to dhuaan uDaatee aag ugaltee khilqat hai Jis ko ham ne chaahaa thaa wo kaheen naheen is manzar men Jis ne ham ko pyaar kiyaa wo saamne vaalee moorat hai Phuul babool ke achchhe hain lekin saakit tasveeron men Sach much ke sahraaon kee to is dil jaisee soorat hai Tere baa'd dukaanon par main jaa kar poochhtaa rahtaa hoon Kya wo khushboo mil saktee hai ab us kee kya qeemat hai BaDe baDe sapne naheen bo.e main ne apne aangan men Nannhee munnee khushiyaan hain miree chhoTee see ik jannat hai