phuul the rang the lamhon ki sabaahat ham the
— Aitbar Sajid
Phuul the rang the lamhon kee sabaahat ham the
Aise zinda the ki jiine kee alaamat ham the
Sab khirad-mand bane phirte the maashaa-allaah
Bas tire shahr men ik saahib-e-vahshat ham the
Naam bakhshaa hai tujhe kis ke vufoor-e-gham ne
Gar koi tha to tire mujrim-e-shohrat ham the
Ab to khud apnee zaroorat bhee nahin hai ham ko
Wo bhee din the ki kabhi teree zaroorat ham the
Dhoop ke dasht men kitnaa wo hamen DhoonDtaa tha
'aitbaar' us ke liye abr kee soorat ham the