shahr e havaa men jalte rahnaa andeshon ki chaukhat par

Shahr-e-havaa men jalte rahnaa andeshon kee chaukhaT par Raat ga.e tak uljhe rahnaa be-mafhum khayaalon men Qasr-e-umr gavaahee degaa kaise kaise karb sahe Kaisee kaisee rut guzree hai ham par itne saalon men Dosh-e-khalaa se khaak-e-zameen par utre to ehsaas huaa Taare baanTne vaale raahee paD ga.e kin janjaalon men Le aa.ee kis qarya-e-shab men ik jhooTe mahtaab kee chaah Saaya saaya bhaTak raha hoon be-tanveer ujaalon men Mausam mausam yahee raha gar khushboo kee tahqeer kaa rang Siise kee kaliyaan phooTengee ab lohe kee Daalon men 'saajid' ab tak bhugat rahe hain ik be-ant sazaa kee umr Apna naam likhaa baiThe the ik din jiine vaalon men