tilism zaar e shab e maah men guzar jaae

Tilism-zaar-e-shab-e-maah men guzar jaa.e Ab itnee raat ga.e kaun apne ghar jaa.e Ajab nasha hai tire qurb men ki jee chaahe Ye zindagee tiree aaghosh men guzar jaa.e Main tere jism men kuch is tarah samaa jaaon Ki teraa lams miree ruuh men utar jaa.e Misaal-e-barg-e-khizaan hai havaa kee zad pe ye dil Na jaane shaakh se bichhDe to phir kidhar jaa.e Main yuun udaas hoon imshab ki jaise rang-e-gulaab Khizaan kee chaap se be-saakhta utar jaa.e Havaa-e-shaam-e-judaa.ee hai aur gham laahaq Na jaane jism kee deevaar kab bikhar jaa.e Agar na shab kaa safar ho tire husool kee shart Farogh-e-mahr tiraa aitbaar mar jaa.e