tumhen khayaal e zaat hai shuuur e zaat hi nahin

Tumhen khayaal-e-zaat hai shu.oor-e-zaat hee nahin Khataa muaaf ye tumhaare bas kee baat hee nahin Ghazal fazaa bhee DhoonDtee hai apne khaas rang kee Hamaaraa mas.ala faqat qalam davaat hee nahin Hamaaree saa.aton ke hissa-daar aur log hain Hamaare saamne faqat hamaaree zaat hee nahin Varaq varaq pe Diary men aansuon kaa nam bhee hai Ye sirf baarishon se bheege kaaghzaat hee nahin Kahaaniyon kaa ruup de ke ham jinhen sunaa saken Hamaaree zindagee men aise vaaqi.aat hee nahin Kisee kaa naam aa gaya tha yoonhee darmiyaan men Ab is kaa zikr kya karen jab aisi baat hee nahin