wo pahlii jaisii vahshaten wo haal hi nahin raha

Wo pahlee jaisee vahshaten wo haal hee nahin raha Ki ab to shauq raahat-e-visaal hee nahin raha Tamaam hasraten har ik savaal dafn kar chuke Hamaare paas ab koi savaal hee nahin raha Talaash-e-rizq men ye shaam is tarah guzar ga.ee Koi hai apna muntazir khayaal hee nahin raha In aate jaate roz-o-shab ki gardishon ko dekh kar Kisee ke hijr kaa koi malaal hee nahin raha Hamaaraa kya banegaa Kuch na Kuch to is pe sochte Magar kabhi hamen gham-e-ma.aal hee nahin raha Tumhaare khaal-o-khad pe ik kitaab likh rahe the ham Magar tumhaaraa husn be-misaal hee nahin raha Sanvaartaa nikhaartaa main kaise apne aap ko Tumhaare baad apna Kuch khayaal hee nahin raha Zaraa see baat se dilon men itnaa farq aa gaya Ta.alluqaat kaa to phir savaal hee nahin raha