ye barson kaa taalluq tod denaa chaahte hain ham

Ye barson kaa ta'alluq toD denaa chaahte hain ham Ab apne aap ko bhee chhoD denaa chaahte hain ham Kisee dahleez par aankhon ke ye raushan diye rakh kar Zameer-e-sub.h ko jhinjhoD denaa chaahte hain ham Jidhar ham jaa rahe hain us taraf TuuTaa huaa pul hai Ye baagen is se pahle moD denaa chaahte hain ham Ye naubat kal jo aanee hai to sharminda naheen honge Maraasim ehtiyaatan toD denaa chaahte hain ham 'ajab deevaangee hai jis ke ham saa.e men baiThe hain Usee deevaar se sar phoD denaa chaahte hain ham Ta'alluq kirchiyon kee shakl men bikhraa to hai phir bhee Shikasta aa.inon ko joD denaa chaahte hain ham