ye hasiin log hain tuu in ki muravvat pe na jaa

Ye haseen log hain too in kee muravvat pe na jaa Khud hee uTh baith kisee izn o ijaazat pe na jaa Soorat-e-sham.a tire saamne raushan hain jo phuul Un kee kirnon men nahaa zauq-e-samaa.at pe na jaa Dil see check-bok hai tire paas tujhe kya dhaDkaa Jee ko bhaa jaa.e to phir chiiz kee qeemat pe na jaa Itnaa kam-zarf na ban us ke bhee siine men hai dil Us kaa ehsaas bhee rakh apnee hee raahat pe na jaa Dekhtaa kya hai Thahar kar miree jaanib har roz Rauzan-e-dar hoon miree diid kee hairat pe na jaa Tere dil-sokhta baiThe hain sar-e-baam abhee Baal khole hue taaron bharee is chhat pe na jaa Meree poshaak to pahchaan naheen hai meree Dil men bhee jhaank miree zaahiree haalat pe na jaa