ye kya haalat banaa rakkhii hai ye aasaar kaise hain

Ye kya haalat banaa rakkhee hai ye aasaar kaise hain Bahut achchhaa-bhalaa chhoDaa thaa ab beemaar kaise Wo mujh se poochhne aa.ee hai Kuch likkhaa naheen mujh par Main us ko kaise samjhaa.oon mire ash'aar kaise hain Miree sochen hain kaisee kaun in sochon kaa markaz hai Jo mere zehn men palte hain wo afkaar kaise hain Mire dil kaa alaavon aaj tak dekhaa naheen jis ne Wo kya jaane ki sho'le soorat-e-iz.haar kaise hain Ye mantiq kaun samjhegaa ki yakh-kamre kee ThanDak men Mire alfaaz ke malboos sho.ala-baar kaise hain Zaraa see ek farmaa.ish bhee puuree kar naheen sakte Mohabbat karne vaale log bhee laachaar kaise hain Judaa.ee kis tarah bartaav ham logon se kartee hai Mizaajan ham-sukhanvar be-dil-o-be-zaar kaise hain