aah jo dil se nikaalii jaaegii
— Akbar Allahabadi
Aah jo dil se nikaalee jaa.egee
Kya samajhte ho ki khaalee jaa.egee
Is nazaakat par ye shamsheer-e-jafaa
Aap se kyoonkar sambhaalee jaa.egee
Kya gham-e-dunya kaa Dar mujh rind ko
Aur ik botal chaDhaa lee jaa.egee
Shaikh kee daavat men mai kaa kaam kya
Ehtiyaatan kuch mangaa lee jaa.egee
Yaad-e-abroo men hai 'akbar' mahv yuun
Kab tiree ye kaj-khayaalee jaa.egee