apnii girah se Kuch na mujhe aap diijiye

Apnee girah se Kuch na mujhe aap deejiye Akhbaar men to naam miraa chhaap deejiye Dekho jise wo pioner office men hai DaTaa Bahr-e-khuda mujhe bhee kaheen chhaap deejiye Chashm-e-jahaan se haalat-e-aslee chhupee naheen Akhbaar men jo chaahiye wo chhaap deejiye Da.avaa bahut baDaa hai riyaazee men aap ko Tool-e-shab-e-firaaq ko to naap deejiye Sunte naheen hain shaikh na.ee raushnee kee baat Engine kee un ke kaan men ab bhaap deejiye Is but ke dar pe ghair se 'akbar' ne kah diyaa Zar hee main dene laayaa hoon jaan aap deejiye