bahut raha hai kabhi lutf e yaar ham par bhi

Bahut raha hai kabhi lutf-e-yaar ham par bhee Guzar chukee hai ye fasl-e-bahaar ham par bhee Uroos-e-dahr ko aayaa tha pyaar ham par bhee Ye besvaa thee kisee shab nisaar ham par bhee BiThaa chukaa hai zamaana hamen bhee masnad par Huaa kiye hain javaahir nisaar ham par bhee Adoo ko bhee jo banaayaa hai tum ne mahram-e-raaz To fakhr kya jo huaa aitbaar ham par bhee Khataa kisee kee ho lekin khulee jo un kee zabaan To ho hee jaate hain do ek vaar ham par bhee Ham aise rind magar ye zamaana hai wo ghazab Ki Daal hee diyaa dunya kaa baar ham par bhee Hamen bhee aatish-e-ulfat jalaa chukee 'akbar' Haraam ho ga.ee dozakh kee naar ham par bhee