bithaaii jaaengii parde men biibayaan kab tak

Bi.Thaa.ee jaa.engee parde men beebayaan kab tak Bane rahoge tum is mulk men miyaan kab tak Haram-saraa kee hifaazat ko tegh hee na rahi To kaam dengee ye chilman kee teeliyaan kab tak Miyaan se biibee hain parda hai un ko farz magar Miyaan kaa 'ilm hee uTThaa to phir miyaan kab tak Tabee'aton kaa numoo hai havaa-e-maghrib men Ye ghairaten ye haraarat ye garmiyaan kab tak 'avaam baandh len dohar to third vaanTar men Second-o-first kee hon band khiDkiyaan kab tak Jo munh dikhaa.ee kee rasmon pe hai musir iblees Chhupengee hazrat-e-havvaa kee beTiyaan kab tak Janaab hazrat-e-'akbar' hain haamee-e-parda Magar wo kab tak aur un kee rubaa.iyaan kab tak