darbaar1911

Dekh aa.e ham bhee do din rah ke dehlee kee bahaar Hukm-e-haakim se huaa tha ijtamaa-e-intishaar Aadmee aur jaanvar aur ghar muzayyan aur machine Phuul aur sabza chamak aur raushnee rail aur taar Kerosene aur barq aur petroleum aur tarpin Motor aur airplane aur jamghaTe aur eqtidaar Mashriqee patloon men thee khidmat-guzaaree kee umang Maghribee shaklon se shaan-e-khud-pasandee aashkaar Shaukat-o-iqbaal ke markaz huzoor-e-emperor Zeenat-o-daulat kee devee empress aalee-tabaar Bahr-e-hastee le raha tha be-daregh angDaa.iyaan Thames kee amvaaj jamunaa se huee thiin ham-kanaar Inqilaab-e-dahr ke rangeen naqshe pesh the Thee pa.e-ahl-e-baseerat baagh-e-ibrat men bahaar Zarre veeraanon se uThte the tamaashaa dekhne Chashm-e-hairat ban ga.ee thee gardish-e-lail-o-nahaar Jaame se baahar nigaah-e-naaz-e-fattaahaan-e-hind Hadd-e-qaanoonee ke andar honorablon kee qataar Kharch kaa total dilon men chuTkiyaan letaa huaa Fikr-e-zaatee men khayaal-e-qaum ghaa.eb fil-mazaar Daavaten in.aam speachen qavaa.id fauj camp Izzaten khushiyaan ummeeden ehtiyaaten aitbaar Pesh-rau shaahee thee phir his-highness phir ahl-e-jaah Ba.ad is ke shaikh saahab un ke peechhe khaaksaar Dekh aae hum bhi do din rah ke dehli ki bahaar Hukm-e-hakim se hua tha ijtama-e-intishaar Aadmi aur jaanwar aur ghar muzayyan aur machine Phul aur sabza chamak aur raushni rail aur tar Kerosene aur barq aur petroleum aur tarpin Motor aur airplane aur jamghaTe aur eqtidar Mashriqi patlun mein thi KHidmat-guzari ki umang Maghribi shaklon se shan-e-KHud-pasandi aashkar Shaukat-o-iqbaal ke markaz huzur-e-emperor Zinat-o-daulat ki dewi empress aali-tabar Bahr-e-hasti le raha tha be-daregh angDaiyan Thames ki amwaj jamuna se hui thin ham-kanar Inqilab-e-dahr ke rangin naqshe pesh the Thi pae-ahl-e-basirat bagh-e-ibrat mein bahaar Zarre viranon se uThte the tamasha dekhne Chashm-e-hairat ban gai thi gardish-e-lail-o-nahaar Jame se bahar nigah-e-naz-e-fattahan-e-hind Hadd-e-qanuni ke andar honorablon ki qatar KHarch ka total dilon mein chuTkiyan leta hua Fikr-e-zati mein KHayal-e-qaum ghaeb fil-mazar Dawaten inam speachen qawaid fauj camp Izzaten KHushiyan ummiden ehtiyaten e'tibar Pesh-rau shahi thi phir his-highness phir ahl-e-jah Baad is ke shaiKH sahab un ke pichhe KHaksar