dard to maujuud hai dil men davaa ho yaa na ho

Dard to maujood hai dil men davaa ho yaa na ho Bandagee haalat se zaahir hai khuda ho yaa na ho Jhoomtee hai shaakh-e-gul khilte hain ghunche dam-ba-dam Baa-asar gulshan men tahreek-e-sabaa ho yaa na ho Vajd men laate hain mujh ko bulbulon ke zamzame Aap ke nazdeek baa-ma.anee sadaa ho yaa na ho Kar diyaa hai zindagee ne bazm-e-hastee men shareek Us kaa Kuch maqsood koee mudda.aa ho yaa na ho Kyuun civil-surgeon kaa aanaa roktaa hai ham-nasheen Is men hai ik baat honour kee shifaa ho yaa na ho Maulvee saahib na chhoDenge khuda go bakhsh de Gher hee lenge police vaale sazaa ho yaa na ho Membaree se aap par to vaarnish ho jaa.egee Qaum kee haalat men Kuch is se jilaa ho yaa na ho Mo'tariz kyuun ho agar samjhe tumhen sayyaad dil Aaise gesoo hoon to shub.h daam kaa ho yaa na ho