halqe nahin hain zulf ke halqe hain jaal ke

Halqe naheen hain zulf ke halqe hain jaal ke Haan ai nigaah-e-shauq zaraa dekh-bhaal ke Pahunche hain taa-kamar jo tire gesoo-e-rasaa Ma.anee ye hain kamar bhee baraabar hai baal ke Bos-o-kanaar-o-vasl-e-haseenaan hai khuub shaghl Kamtar buzurg honge khilaaf is khayaal ke Qaamat se tere saane-e-qudrat ne ai haseen Dikhlaa diyaa hai hashr ko saanche men Dhaal ke Shaan-e-dimaagh ishq ke jalve se ye baDhee Rakhtaa hai hosh bhee qadam apne sambhaal ke Zeenat muqaddama hai museebat kaa dahr men Sab sham.a ko jalaate hain saanche men Dhaal ke Hastee ke haq ke saamne kya asl-e-een-o-aan Putle ye sab hain aap ke vahm-o-khayaal ke Talvaar le ke uThtaa hai har taalib-e-farogh Daur-e-falak men hain ye ishaare hilaal ke Pecheeda zindagee ke karo tum muqaddame Dikhlaa hee degee maut nateeja nikaal ke