hayaa se sar jhukaa lenaa adaa se muskuraa denaa
— Akbar Allahabadi
Hayaa se sar jhukaa lenaa adaa se muskuraa denaa
Haseenon ko bhee kitnaa sahl hai bijlee giraa denaa
Ye tarz ehsaan karne kaa tumheen ko zeb deta hai
Maraz men mubtalaa kar ke mareezon ko davaa denaa
Balaa.en lete hain un kee ham un par jaan dete hain
Ye sauda diid ke qaabil hai kya lenaa hai kya denaa
Khuda kee yaad men mahveeyat-e-dil baadshaahee hai
Magar aasaan nahin hai saaree Dunya ko bhulaa denaa