ishq e but men kufr kaa mujh ko adab karnaa padaa

Ishq-e-but men kufr kaa mujh ko adab karnaa paDaa Jo brahman ne kahaa aakhir wo sab karnaa paDaa Sabr karnaa furqat-e-mahboob men samjhe the sahl Khul gaya apnee samajh kaa haal jab karnaa paDaa Tajrabe ne hubb-e-Dunya se sikhaayaa ehtiraaz Pahle kahte the faqat munh se aur ab karnaa paDaa Shaikh kee majlis men bhee muflis kee Kuch pursish naheen Diin kee khaatir se Dunya ko talab karnaa paDaa Kya kahoon be-khud huaa main kis nigaah-e-mast se 'aql ko bhee meree hastee kaa adab karnaa paDaa Iqtizaa fitrat kaa ruktaa hai kaheen ai ham-nasheen Shaikh-saahib ko bhee aakhir kaar-e-shab karnaa paDaa 'aalam-e-hastee ko thaa madd-e-nazar katmaan-e-raaz Ek shai ko doosree shai kaa sabab karnaa paDaa She'r ghairon ke use mutlaq naheen aa.e pasand Hazrat-e-'akbar' ko bil-aakhir talab karnaa paDaa