jalva e darbaar e dehlii sar men shauq kaa sauda dekhaa

Sar men shauq kaa sauda dekhaa Dehlee ko ham ne bhee jaa dekhaa Jo kuch dekhaa achchhaa dekhaa Kyaa batlaa.en kya kya dekhaa Jamunaa-jee ke paaT ko dekhaa Achchhe suthre ghaaT ko dekhaa Sab se oonche laaT ko dekhaa Hazrat ''duke-connaught' ko dekhaa PalTan aur risaale dekhe Gore dekhe kaale dekhe Sangeenen aur bhaale dekhe Band bajaane vaale dekhe Khemon kaa ik jangal dekhaa Us jangal men mangal dekhaa Barahmaa aur varangal dekhaa Izzat khvaahon kaa danggal dekhaa SaDken thiin har kamp se jaaree Paanee tha har pump se jaaree Nuur kee maujen lamp se jaaree Tezee thee har jump se jaaree Daalee men naarangee dekhee Mahfil men saarangee dekhee Bairangee baarangee dekhee Dahr kee rangaa-rangee dekhee Achchhe-achchhon ko bhaTkaa dekhaa BhiiD men khaate jhaTkaa dekhaa Munh ko agarche laTkaa dekhaa Dil darbaar se aTkaa dekhaa Haathee dekhe bhaaree-bharkam Un kaa chalnaa kam kam tham tham Zarreen jhoolen nuur kaa aalam Meelon tak wo cham-cham cham-cham Pur tha pahloo-e-masjid-e-jaame Raushaniyaan thiin har-soo laame Koee nahin tha kisee kaa saame.a Sab ke sab the diid ke taame Surkhee saDak par kuTtee dekhee Saans bhee bhiiD men ghuTtee dekhee Aatish-baazee chhuTtee dekhee Lutf kee daulat luTtee dekhee Chaukee ik chau-lakhkhee dekhee Khuub hee chakkhee-pakhkhee dekhee Har-soo ne.amat rakkhee dekhee Shahd aur duudh kee makkhee dekhee Ek kaa hissa mann-o-salvaa Ek kaa hissa thoDaa halvaa Ek kaa hissa bhiiD aur balvaa Meraa hissa duur kaa jalva Avaj breesh raajaa dekhaa Partav takht-o-taaj kaa dekhaa Rang-e-zamaana aaj kaa dekhaa Rukh corzon mahraaj kaa dekhaa Pahunche phaand ke saat samundar Tahat men un ke beeson bandar Hikmat-o-daanish un ke andar Apnee jagah har ek sikandar Auj-e-bakht-e-mulaaqee un kaa Charkh-e-haft-tabaaaqee un kaa Mahfil un kee saaqee un kaa Aankhen meree baaqee un kaa Ham to un ke khair-talab hain Ham kya aise hee sab ke sab hain Un ke raaj ke umda Dhab hain Sab saamaan-e-aish-o-tarab hain Egzibshan kee shaan anokhee Har shai umda har shai chokhee Aqleedas kee naapee jokhee Man bhar sone kee laagat sokhee Jashn-e-azeem is saal huaa hai Shaahee fort men ball huaa hai Raushan har ik hall huaa hai Qissa-e-maazee haal huaa hai Hai mash.hoor-e-koocha-e-barzan Ball men naachen lady-corzon Taa.ir-e-hosh the sab ke larzan Rashk se dekh rahi thee har zan Hall men chamkeen aa ke yakaa-yak Zarreen thee poshaak jhkaa-jhak Mahv tha un kaa auj-e-samaa tak Charkh pe zohra un kee thee gaahak Go raqqaasa-e-auj-e-falak thee Us men kahaan ye nok-palak thee Indr kee mahfil kee jhalak thee Bazm-e-ishrat sub.h talak thee Kee hai ye bandish zehn-e-rasaa ne Koee maane khvaah na maane Sunte hain ham to ye afsaane Jis ne dekhaa ho wo jaane Sar mein shauq ka sauda dekha Dehli ko hum ne bhi ja dekha Jo kuch dekha achchha dekha Kya batlaen kya kya dekha Jamuna-ji ke paT ko dekha Achchhe suthre ghaT ko dekha Sab se unche laT ko dekha Hazrat duke-connaught' ko dekha PalTan aur risale dekhe Gore dekhe kale dekhe Sanginen aur bhaale dekhe Band bajaane wale dekhe KHemon ka ek jangal dekha Us jangal mein mangal dekha Barahma aur warangal dekha Izzat KHwahon ka danggal dekha SaDken thin har kamp se jari Pani tha har pump se jari Nur ki maujen lamp se jari Tezi thi har jump se jari Dali mein narangi dekhi Mahfil mein sarangi dekhi Bairangi barangi dekhi Dahr ki ranga-rangi dekhi Achchhe-achchhon ko bhaTka dekha BhiD mein khate jhaTka dekha Munh ko agarche laTka dekha Dil darbar se aTka dekha Hathi dekhe bhaari-bharkam Un ka chalna kam kam tham tham Zarrin jhulen nur ka aalam Milon tak wo cham-cham cham-cham Pur tha pahlu-e-masjid-e-jame Raushaniyan thin har-su lame Koi nahin tha kisi ka samea Sab ke sab the did ke tame SurKHi saDak par kuTti dekhi Sans bhi bhiD mein ghuTti dekhi Aatish-bazi chhuTti dekhi Lutf ki daulat luTti dekhi Chauki ek chau-lakhkhi dekhi KHub hi chakkhi-pakhkhi dekhi Har-su neamat rakkhi dekhi Shahd aur dudh ki makkhi dekhi Ek ka hissa mann-o-salwa Ek ka hissa thoDa halwa Ek ka hissa bhiD aur balwa Mera hissa dur ka jalwa Awaj brish raja dekha Partaw taKHt-o-taj ka dekha Rang-e-zamana aaj ka dekha RuKH corzon mahraj ka dekha Pahunche phand ke sat samundar Tahat mein un ke bison bandar Hikmat-o-danish un ke andar Apni jagah har ek sikandar Auj-e-baKHt-e-mulaqi un ka CharKH-e-haft-tabaaqi un ka Mahfil un ki saqi un ka Aankhen meri baqi un ka Hum to un ke KHair-talab hain Hum kya aise hi sab ke sab hain Un ke raj ke umda Dhab hain Sab saman-e-aish-o-tarab hain Egzibshan ki shan anokhi Har shai umda har shai chokhi Aqlidas ki napi jokhi Man bhar sone ki lagat sokhi Jashn-e-azim is sal hua hai Shahi fort mein ball hua hai Raushan har ek hall hua hai Qissa-e-mazi haal hua hai Hai mashhur-e-kucha-e-barzan Ball mein nachen lady-corzon Tair-e-hosh the sab ke larzan Rashk se dekh rahi thi har zan Hall mein chamkin aa ke yaka-yak Zarrin thi poshak jhka-jhak Mahw tha un ka auj-e-sama tak CharKH pe zohra un ki thi gahak Go raqqasa-e-auj-e-falak thi Us mein kahan ye nok-palak thi Indr ki mahfil ki jhalak thi Bazm-e-ishrat subh talak thi Ki hai ye bandish zehn-e-rasa ne Koi mane KHwah na mane Sunte hain hum to ye afsane Jis ne dekha ho wo jaane