maanii ko bhulaa detii hai suurat hai to ye hai
— Akbar Allahabadi
Ma.anee ko bhulaa detee hai soorat hai to ye hai
Nature bhee sabaq siikh le zeenat hai to ye hai
Kamre men jo hanstee huee aa.ee mis-e-ra.anaa
Teacher ne kahaa ilm kee aafat hai to ye hai
Ye baat to achchhee hai ki ulfat ho mison se
Huur un ko samajhte hain qayaamat hai to ye hai
Pecheeda masaa.il ke liye jaate hain england
Zulfon men ulajh aate hain shaamat hai to ye hai
Public men zaraa haath milaa leejiye mujh se
Saahab mire eemaan kee qeemat hai to ye hai