phir gaii aap ki do din men tabiiat kaisii

Phir ga.ee aap kee do din men tabee.at kaisee Ye wafa kaisee thee saahab ye muravvat kaisee Dost ahbaab se hans bol ke kaT jaa.egee raat Rind-e-aazaad hain ham ko shab-e-furqat kaisee Jis haseen se huee ulfat vahee ma.ashooq apna Ishq kis chiiz ko kahte hain tabee.at kaisee Hai jo qismat men vahee hogaa na Kuch kam na sivaa Aarzoo kahte hain kis chiiz ko hasrat kaisee Haal khultaa naheen Kuch dil ke dhaDakne kaa mujhe Aaj rah rah ke bhar aatee hai tabee.at kaisee Koocha-e-yaar men jaataa to nazaara kartaa Qais aavaara hai jangal men ye vahshat kaisee