sayyad se aaj hazrat e vaaiz ne ye kahaa sayyad se aaj hazrat e vaaiz ne ye kahaa

Sayyad se aaj hazrat-e-vaa.iz ne ye kahaa Charchaa hai jaa-ba-jaa tire haal-e-tabaah kaa Samjhaa hai too ne nature o tadbeer ko khuda Dil men zaraa asar na raha laa-ilaah kaa Ho tujh se tark-e-saum-o-salaat-o-zakaat-o-haj Kuchh Dar nahin janaab-e-risaalat-panaah kaa Shaitaan ne dikhaa ke jamaal-e-uroos-e-dahr Banda banaa diyaa hai tujhe hubb-e-jaah kaa Us ne diyaa javaab ki maz.hab ho yaa rivaaj Raahat men jo mukhil ho wo kaanTaa hai raah kaa Afsos hai ki aap hain dunya se be-khabar Kyaa jaaniye jo rang hai shaam-o-pagaah kaa Europe kaa pesh aa.e agar aap ko safar Guzre nazar se haal re.aayaa-o-shaah kaa Vo aab-o-taab-o-shaukat-e-aivaan-e-khusravee Vo mahakmon kee shaan wo jalva sipaah kaa Aa.e nazar uloom-e-jadeedah kee raushnee Jis se khajil ho nuur rukh-e-mehr-o-maah kaa Daavat kisee amiir ke ghar men ho aap kee Kam-sin mison se zikr ho ulfat kaa chaah kaa Nau-khez dil-fareb gul-andaam naazneen Aariz pe jin ke baar ho daaman nigaah kaa Rukiye agar to hans ke kahe ik but-e-haseen Sun maulvee ye baat nahin hai gunaah kaa Us waqt qibla jhuk ke karoon aap ko salaam Phir naam bhee huzoor jo len khaanqaah kaa Patloon-o-koT-o-bangla-o-biscuit kee dhun bandhe Saudaa janaab ko bhee ho turkee kulaah kaa Mimbar pe yuun to baith ke goshe men ai janaab Sab jaante hain va.az savaab-o-gunaah kaa Sayyad se aaj hazrat-e-waiz ne ye kaha Charcha hai ja-ba-ja tere haal-e-tabah ka Samjha hai tu ne nature o tadbir ko KHuda Dil mein zara asar na raha la-ilah ka Ho tujh se tark-e-saum-o-salat-o-zakat-o-haj Kuchh Dar nahin janab-e-risalat-panah ka Shaitan ne dikha ke jamal-e-urus-e-dahr Banda bana diya hai tujhe hubb-e-jah ka Us ne diya jawab ki mazhab ho ya riwaj Rahat mein jo muKHil ho wo kanTa hai rah ka Afsos hai ki aap hain duniya se be-KHabar Kya jaaniye jo rang hai sham-o-pagah ka Europe ka pesh aae agar aap ko safar Guzre nazar se haal reaya-o-shah ka Wo aab-o-tab-o-shaukat-e-aiwan-e-khusrawi Wo mahakmon ki shan wo jalwa sipah ka Aae nazar ulum-e-jadidah ki raushni Jis se KHajil ho nur ruKH-e-mehr-o-mah ka Dawat kisi amir ke ghar mein ho aap ki Kam-sin mison se zikr ho ulfat ka chah ka Nau-KHez dil-fareb gul-andam naznin Aariz pe jin ke bar ho daman nigah ka Rukiye agar to hans ke kahe ek but-e-hasin Sun maulwi ye baat nahin hai gunah ka Us waqt qibla jhuk ke karun aap ko salam Phir nam bhi huzur jo len KHanqah ka Patlun-o-koT-o-bangla-o-biscuit ki dhun bandhe Sauda janab ko bhi ho turki kulah ka Mimbar pe yun to baith ke goshe mein ai janab Sab jaante hain waz sawab-o-gunah ka