siine se lagaaen tumhen armaan yahii hai

Siine se lagaa.en tumhen armaan yahee hai Jiine kaa maza hai to miree jaan yahee hai Sabr is liye achchhaa hai ki aa.inda hai ummeed Maut is liye behtar hai ki aasaan yahee hai Too dil men to aataa hai samajh men naheen aataa Bas jaan gayaa main tiree pahchaan yahee hai Gesoo ke shareek aur bhee the qatl men mere Kyaa vaj.h hai is kee ki pareshaan yahee hai Us but ne kahaa bosa-e-be-izn pa hans kar Bas dekh liyaa aap kaa eemaan yahee hai Karte hain ba-tadreej wo zulmon men izaafa Mujh par agar un kaa hai Kuch ehsaan yahee hai Ham falsafe ko kahte hain gumraahee kaa baa.is Wo peT dikhaate hain ki shaitaan yahee hai