tariiq e ishq men mujh ko koi kaamil nahin miltaa

Tareeq-e-ishq men mujh ko koi kaamil nahin miltaa Ga.e farhaad o majnoon ab kisee se dil nahin miltaa Bharee hai anjuman lekin kisee se dil nahin miltaa Hameen men aa gaya Kuch naqs yaa kaamil nahin miltaa Puraanee raushnee men aur na.ee men farq itnaa hai Use kashtee nahin miltee ise saahil nahin miltaa Pahunchnaa daad ko mazloom kaa mushkil hee hota hai Kabhi qaazee nahin milte kabhi qaatil nahin miltaa Hareefon par khazaane hain khule yaan hijr-e-gesoo hai Vahaan pe bil hai aur yaan saanp kaa bhee bil nahin miltaa Ye husn o ishq hee kaa kaam hai shubah karen kis par Mizaaj un kaa nahin miltaa hamaaraa dil nahin miltaa Chhupaa hai siina o rukh dil-sitaan haathon se karvaT men Mujhe sote men bhee wo husn se ghaafil nahin miltaa Havaas-o-hosh gum hain bahr-e-irfaan-e-ilaahee men Yahee Dariya hai jis men mauj ko saahil nahin miltaa Kitaab-e-dil mujhe kaafee hai 'akbar' dars-e-hikmat ko Main spencer se mustaghnee hoon mujh se mil nahin miltaa