tirii zulfon men dil uljhaa huaa hai
— Akbar Allahabadi
Tiree zulfon men dil uljhaa huaa hai
Balaa ke pech men aayaa huaa hai
Na kyoonkar boo-e-khoon naame se aa.e
Usee jallaad kaa likkhaa huaa hai
Chale Dunya se jis kee yaad men ham
Ghazab hai wo hamen bhoolaa huaa hai
Kahoon kya haal aglee ishraton kaa
Wo thaa ik khvaab jo bhoolaa huaa hai
Jafaa ho yaa wafa ham sab men khush hain
Karen kya ab to dil aTkaa huaa hai
Huee hai ishq hee se husn kee qadr
Hameen se aap kaa shohraa huaa hai
Buton par rahtee hai maa.il hamesha
Tabee.at ko khudaayaa kya huaa hai
Pareshaan rahte ho din raat 'akbar'
Ye kis kee zulf kaa sauda huaa hai