tum ne biimaar e mohabbat ko abhii kyaa dekhaa

Tum ne beemaar-e-mohabbat ko abhee kyaa dekhaa Jo ye kahte hue jaate ho ki dekhaa dekhaa Tifl-e-dil ko mire kyaa jaane lagee kis kee nazar Main ne kambakht ko do din bhee na achchhaa dekhaa Le gayaa thaa taraf-e-gor-e-ghareebaan dil-e-zaar Kyaa kahen tum se jo Kuch vaan kaa tamaashaa dekhaa Wo jo the raunaq-e-aabaadee-e-gulzaar-e-jahaan Sar se paa tak unhen khaak-e-rah-e-sahraa dekhaa Kal talak mahfil-e-ishrat men jo the sadr-nasheen Qabr men aaj unhen be-kas-o-tanhaa dekhaa Bas-ki nairangee-e-aalam pe use hairat thee Aa.eena khaak-e-sikandar ko saraapaa dekhaa Sar-e-jamshed ke kaase men bharee thee hasrat Yaas ko mo.atakif-e-turbat-e-daaraa dekhaa