ummiid tuutii huii hai meri jo dil miraa thaa wo mar chukaa hai
— Akbar Allahabadi
Umiid TuuTee huee hai meree jo dil miraa thaa wo mar chukaa hai
Jo zindagaanee ko talkh kar de wo vaqt mujh par guzar chukaa hai
Agarche siine men saans bhee hai naheen tabee'at men jaan baaqee
Ajal ko hai der ik nazar kee falak to kaam apna kar chukaa hai
Ghareeb-khaane kee ye udaasee ye naa-durustee naheen qadeemee
Chahal pahal bhee kabhee yahaan thee kabhee ye ghar bhee sanvar chukaa hai
Ye siina jis men ye daagh men ab masarraton kaa kabhee thaa makhzan
Wo dil jo armaan se bharaa thaa khushee se us men Thahar chukaa hai
Ghareeb akbar ke gard kyuun men khayaal vaa'iz se koee kah de
Use Daraate ho maut se kya wo zindagee hee se Dar chukaa hai