unhen nigaah hai apne jamaal hi ki taraf

Unhen nigaah hai apne jamaal hee kee taraf Nazar uThaa ke nahin dekhte kisee kee taraf Tavajjoh apnee ho kya fann-e-shaa.iree kee taraf Nazar har ek kee jaatee hai aib hee kee taraf Likhaa huaa hai jo ronaa mire muqaddar men Khayaal tak nahin jaataa kabhi hansee kee taraf Tumhaaraa saaya bhee jo log dekh lete hain Wo aankh uThaa ke nahin dekhte paree kee taraf Balaa men phanstaa hai dil muft jaan jaatee hai Khuda kisee ko na le jaa.e us galee kee taraf Kabhi jo hotee hai takraar ghair se ham se To dil se hote ho dar-parda tum usee kee taraf Nigaah paDtee hai un par tamaam mahfil kee Wo aankh uThaa ke nahin dekhte kisee kee taraf Nigaah us but-e-khud-been kee hai mire dil par Na aa.ine kee taraf hai na aarsee kee taraf Qubool keejiye lillaah tohfa-e-dil ko Nazar na keejiye is kee shikastagee kee taraf Yahee nazar hai jo ab qaatil-e-zamaana huee Yahee nazar hai ki uThtee na thee kisee kee taraf Ghareeb-khaana men lillaah do-ghaDee baiTho Bahut dinon men tum aa.e ho is galee kee taraf Zaraa see der hee ho jaa.egee to kya hogaa GhaDee ghaDee na uThaao nazar ghaDee kee taraf Jo ghar men poochhe koi khauf kya hai kah denaa Chale ga.e the Tahalte hue kisee kee taraf Hazaar jalva-e-husn-e-butaan ho ai 'akbar' Tum apna dhyaan lagaa.e raho usee kee taraf