wo havaa na rahii wo chaman na raha wo galii na rahii wo hasiin na rahe

Wo havaa na rahi wo chaman na raha wo galee na rahi wo haseen na rahe Wo falak na raha wo samaan na raha wo makaan na rahe wo makeen na rahe Wo gulon men gulon kee see boo na rahi wo azeezon men lutf kee khoo na rahi Wo haseenon men rang-e-wafa na raha kahen aur kee kya wo hameen na rahe Na wo aan rahi na umang rahi na wo rindee o zohd kee jang rahi Soo-e-qibla nigaahon ke rukh na rahe aur dar pe naqsh-e-jabeen na rahe Na wo jaam rahe na wo mast rahe na fidaa.i-e-ahd-e-alast rahe Wo tareeqa-e-kaar-e-jahaan na raha wo mashaaghil-e-raunaq-e-deen na rahe Hamen laakh zamaana lubhaa.e to kya na.e rang jo charkh dikhaa.e to kya Ye muhaal hai ahl-e-wafa ke liye gham-e-millat o ulfat-e-deen na rahe Tire koocha-e-zulf men dil hai miraa ab use main samajhtaa hoon daam-e-balaa Ye ajiib sitam hai ajiib jafaa ki yahaan na rahe to kaheen na rahe Ye tumhaare hee dam se hai bazm-e-tarab abhee jaao na tum na karo ye ghazab Koi baith ke lutf uThaa.egaa kya ki jo raunaq-e-bazm tumheen na rahe Jo thiin chashm-e-falak kee bhee noor-e-nazar vahee jin pe nisaar the shams o qamar So ab aisi miTee hain wo anjuman.en ki nishaan bhee un ke kaheen na rahe Vahee sooraten rah ga.iin pesh-e-nazar jo zamaane ko pheren idhar se udhar Magar aise jamaal-e-jahaan-aaraa jo the raunaq-e-roo-e-zameen na rahe Gham o ranj men 'akbar' agar hai ghiraa to samajh le ki ranj ko bhee hai fanaa Kisee shai ko nahin hai jahaan men baqaa wo ziyaada malool o hazeen na rahe