aazaadii puuchhtaa hai to ki kab aur kis tarah aatii hoon main

Poochhtaa hai to ki kab aur kis tarah aatee hoon main God men naakaamiyon ke parvarish paatee hoon main Sirf wo makhsoos siine hain miree aaraam-gaah Aarzoo kee tarah rah jaatee hai jin men ghuT ke aah Ahl-e-gham ke saath un kaa dard-o-gham sahtee hoon main Kaanpte honTon pe ban kar bad-duaa rahtee hoon main Raqs kartee hain ishaaron par mire maut-o-hayaat Dekhtee rahtee hoon main har-waqt nabz-e-kaa.enaat Khud-farebee baDh ke jab bantee hai ehsaas-e-shu.oor Jab javaan hota hai ahl-e-zar ke tevar men ghuroor Muflisee se karte hain jab aadamiyat ko judaa Jab lahoo piite hain tahzeeb-o-tamaddun ke khuda Bhuut ban kar naachtaa hai sar pe jab qaumee vaqaar Le ke maz.hab kee sipar aataa hai jab sarmaaya-daar Raaste jab band hote hain duaaon ke liye Aadmee laDtaa hai jab jhooTe khudaaon ke liye Zindagee insaan kee kar deta hai jab insaan haraam Jab use qaanoon-e-fitrat kaa ataa hota hai naam Ahrman phirtaa hai jab apna dahan khole hue Aasmaan se maut jab aatee hai par tole hue Jab kisaanon kee nigaahon se Tapaktaa hai hiraas PhooTne lagtee hai jab mazdoor ke zakhmon se yaas Sabr-e-ayyoobee kaa jab labrez hota hai suboo Soz-e-gham se khaultaa hai jab ghulaamon kaa lahu Ghaasibon se baDh ke jab kartaa hai haq apna savaal Jab nazar aataa hai mazloomon ke chehron par jalaal Tafraqa paDtaa hai jab dunya men nasl-o-rang kaa Le ke main aatee hoon parcham inqilaab-o-jang kaa Haan magar jab Toot jaatee hai havaadis kee kamand Jab kuchal deta hai har shai ko baghaavat kaa samand Jab nigal letaa hai toofaan baDh ke kashtee nuuh kee GhuT ke jab insaan men rah jaatee hai azmat ruuh kee Duur ho jaatee hai jab mazdooron ke dil kee jalan Jab tabassum ban ke honTon par simaTtee hai thakan Jab ubhartaa hai ufuq se zindagee kaa aaftaab Jab nikhartaa hai lahoo kee aag men tap kar shabaab Nasl qaumiyyat kaleesaa saltanat tahzeeb-o-rang Raund chuktee hai jab in sab ko javaanee kee umang Sub.h ke zarreen tabassum men ayaan hotee hoon main Rif.at-e-arsh-e-bareen se par-fishaan hotee hoon main Puchhta hai to ki kab aur kis tarah aati hun main God mein nakaamiyon ke parwarish pati hun main Sirf wo maKHsus sine hain meri aaram-gah Aarzu ki tarah rah jati hai jin mein ghuT ke aah Ahl-e-gham ke sath un ka dard-o-gham sahti hun main Kanpte honTon pe ban kar bad-dua rahti hun main Raqs karti hain ishaaron par mere maut-o-hayat Dekhti rahti hun main har-waqt nabz-e-kaenat KHud-farebi baDh ke jab banti hai ehsas-e-shuur Jab jawan hota hai ahl-e-zar ke tewar mein ghurur Muflisi se karte hain jab aadamiyat ko juda Jab lahu pite hain tahzib-o-tamaddun ke KHuda Bhut ban kar nachta hai sar pe jab qaumi waqar Le ke mazhab ki sipar aata hai jab sarmaya-dar Raste jab band hote hain duaon ke liye Aadmi laDta hai jab jhuTe KHudaon ke liye Zindagi insan ki kar deta hai jab insan haram Jab use qanun-e-fitrat ka ata hota hai nam Ahrman phirta hai jab apna dahan khole hue Aasman se maut jab aati hai par tole hue Jab kisanon ki nigahon se Tapakta hai hiras PhuTne lagti hai jab mazdur ke zaKHmon se yas Sabr-e-ayyubi ka jab labrez hota hai subu Soz-e-gham se khaulta hai jab ghulamon ka lahu Ghasibon se baDh ke jab karta hai haq apna sawal Jab nazar aata hai mazlumon ke chehron par jalal Tafraqa paDta hai jab duniya mein nasl-o-rang ka Le ke main aati hun parcham inqilab-o-jang ka Han magar jab TuT jati hai hawadis ki kamand Jab kuchal deta hai har shai ko baghawat ka samand Jab nigal leta hai tufan baDh ke kashti nuh ki GhuT ke jab insan mein rah jati hai azmat ruh ki Dur ho jati hai jab mazduron ke dil ki jalan Jab tabassum ban ke honTon par simaTti hai thakan Jab ubharta hai ufuq se zindagi ka aaftab Jab nikharta hai lahu ki aag mein tap kar shabab Nasl qaumiyyat kalisa saltanat tahzib-o-rang Raund chukti hai jab in sab ko jawani ki umang Subh ke zarrin tabassum mein ayan hoti hun main Rifat-e-arsh-e-barin se par-fishan hoti hun main