ab bhi raushan hain

Ab bhee raushan hain vahee dast hinaa-aalooda Reg-e-sahraa hai na qadmon ke nishaan baaqee hain Khushk ashkon kee nadee Khoon kee Thahree huee dhaar Bhoole-bisre hue lamhaat ke sookhe hue khaar Haath uThaa.e hue aflaak kee jaanib ashjaar Kaamraanee hee kee gintee na hazeemat kaa shumaar Sirf ik dard kaa jangal hai faqat hoo kaa dayaar Jab guzartee hai magar khawabon ke veeraane se Ashk-aalooda tabassum ke charaaghon kee qataar Jagmagaa uThte hain gesoo-e-sabaa-aalooda Toliyaan aatee hain nau-umr tamannaaon kee Dasht-e-be-rang-e-khamoshee men machaatee huee shor Phuul maathe se baraste hain nazar se taare Ek ik gaam pe jaadoo ke mahl bante hain Naddiyaan bahtee hain aanchal se havaa chaltee hai Pattiyaan hanstee hain uDtaa hai kiran kaa sonaa Aisaa lagtaa hai ki be-rahm nahin hai dunya Aisaa lagtaa hai ki be-zulm zamaane ke hain haath Bevafaa.ee bhee ho jis tarah wafa-aalooda Aur phir shaakhon se talvaaren baras paDtee hain Jabr jaag uThtaa hai saffaakee javaan hotee hai Saa.e jo sabz the paD jaate hain pal bhar men siyaah Aur har moD pe ifreeton kaa hota hai gumaan Koee bhee raah ho maqtal kee taraf muDtee hai Dil men khanjar ke utarne kee sadaa aatee hai Teergee Khoon ke ujaale men nahaa jaatee hai Shaam-e-gham hotee hai namnaak o ziyaa-aalooda Yahee mazloomon kee jiit aur yahee zaalim kee shikast Ki tamannaa.en saleebon se utar aatee hain Apnee qabron se nikaltee hain maseehaa ban kar Qatl-gaahon se wo uThtee hain duaaon kee tarah Dasht o Dariya se guzartee hain havaaon kee tarah Mohr jab lagtee hai honTon pe zabaan par taale Qaid jab hotee hai siine men dilon kee dhaDkan Ruuh cheekh uThtee hai hilte hain shajar aur hajar Khaamushee hotee hai kuch aur navaa-aalooda Sar-kashee DhoonDhtee hai zauq-e-gunahgaaree ko Khud se sharminda nahin auron se sharminda nahin Ye miraa dil ki hai maasoom o khataa-aalood Ab bhi raushan hain wahi dast hina-aluda Reg-e-sahra hai na qadmon ke nishan baqi hain KHushk ashkon ki nadi KHun ki Thahri hui dhaar Bhule-bisre hue lamhat ke sukhe hue KHar Hath uThae hue aflak ki jaanib ashjar Kaamrani hi ki ginti na hazimat ka shumar Sirf ek dard ka jangal hai faqat hu ka dayar Jab guzarti hai magar KHwabon ke virane se Ashk-aluda tabassum ke charaghon ki qatar Jagmaga uThte hain gesu-e-saba-aluda Toliyan aati hain nau-umr tamannaon ki Dasht-e-be-rang-e-KHamoshi mein machati hui shor Phul mathe se baraste hain nazar se tare Ek ek gam pe jadu ke mahl bante hain Naddiyan bahti hain aanchal se hawa chalti hai Pattiyan hansti hain uDta hai kiran ka sona Aisa lagta hai ki be-rahm nahin hai duniya Aisa lagta hai ki be-zulm zamane ke hain hath Bewafai bhi ho jis tarah wafa-aluda Aur phir shaKHon se talwaren baras paDti hain Jabr jag uThta hai saffaki jawan hoti hai Sae jo sabz the paD jate hain pal bhar mein siyah Aur har moD pe ifriton ka hota hai guman Koi bhi rah ho maqtal ki taraf muDti hai Dil mein KHanjar ke utarne ki sada aati hai Tirgi KHun ke ujale mein naha jati hai Sham-e-gham hoti hai namnak o ziya-aluda Yahi mazlumon ki jit aur yahi zalim ki shikast Ki tamannaen salibon se utar aati hain Apni qabron se nikalti hain masiha ban kar Qatl-gahon se wo uThti hain duaon ki tarah Dasht o dariya se guzarti hain hawaon ki tarah Mohr jab lagti hai honTon pe zaban par tale Qaid jab hoti hai sine mein dilon ki dhaDkan Ruh chiKH uThti hai hilte hain shajar aur hajar KHamushi hoti hai kuch aur nawa-aluda Sar-kashi DhunDhti hai zauq-e-gunahgari ko KHud se sharminda nahin auron se sharminda nahin Ye mera dil ki hai masum o KHata-alud