bahut qariib ho tum

Bahut qareeb ho tum phir bhee mujh se kitnee duur Ki dil kaheen hai nazar hai kaheen kaheen tum ho Vo jis ko pee na sakee meree shola-aashaamee Vo kooza-e-shakar o jaam-e-ambageen tum ho Mire mizaaj men aashuftagee sabaa kee hai Milee kalee kee adaa gul kee tamkanat tum ko Sabaa kee god men phir bhee sabaa se begaana Tamaam husn o haqeeqat tamaam afsaana Vafaa bhee jis pe hai naazaan wo bevafaa tum ho Jo kho ga.ee hai mire dil kee wo sadaa tum ho Bahut qareeb ho tum phir bhee mujh se kitnee duur Hijaab-e-jism abhee hai hijaab-e-rooh abhee Abhee to manzil-e-sad-mehr-o-maah baaqee hai Hijaab-e-faasla-haa-e-nigaah baaqee hai Visaal-e-yaar abhee tak hai aarzoo kaa fareb Bahut qarib ho tum phir bhi mujh se kitni dur Ki dil kahin hai nazar hai kahin kahin tum ho Wo jis ko pi na saki meri shola-ashami Wo kuza-e-shakar o jam-e-ambagin tum ho Mere mizaj mein aashuftagi saba ki hai Mili kali ki ada gul ki tamkanat tum ko Saba ki god mein phir bhi saba se begana Tamam husn o haqiqat tamam afsana Wafa bhi jis pe hai nazan wo bewafa tum ho Jo kho gai hai mere dil ki wo sada tum ho Bahut qarib ho tum phir bhi mujh se kitni dur Hijab-e-jism abhi hai hijab-e-ruh abhi Abhi to manzil-e-sad-mehr-o-mah baqi hai Hijab-e-fasla-ha-e-nigah baqi hai Visal-e-yar abhi tak hai aarzu ka fareb