baithe hain jahaan saaqii paimaana e zar le kar

BaiThe hain jahaan saaqee paimaana-e-zar le kar Us bazm se uTh aa.e ham deeda-e-tar le kar Yaadon se tiree raushan mehraab-e-shab-e-hijraan DhoonDhenge tujhe kab tak qindeel-e-qamar le kar Kya husn hai Dunya men kya lutf hai jiine men Dekhe to koee meraa andaaz-e-nazar le kar Hotee hai zamaane men kis tarah pazeeraa.ee Niklo to zaraa ghar se ik zauq-e-safar le kar Raahen chamak uTThengee khursheed kee mash.al se Hamraah sabaa hogee khushboo-e-sahar le kar Makhmal see bichhaa denge qadmon ke tale saahil Dariya ubal aa.enge sad-mauj-e-guhar le kar Pahnaa.enge taaj apna peDon ke ghane saa.e Niklenge shajar apne khush-rang samar le kar Lapkenge gale milne sarv aur sanobar sab UThenge gulistaan bhee shaakh-e-gul-e-tar le kar Hanste hue shahron kee awaaz bulaa.egee Lab jaam ke chamkenge sau sho.ala-e-tar le kar Aflaak bajaa.enge saaz apne sitaaron kaa Gaa.enge bahut lamhe anfaas-e-sharar le kar Ye aalam-e-khaakee ik sayyaara-e-raushan hai Aflaak se Takraa do taqdeer-e-bashar le kar